فتاة مفعمة بالنشاط والحيوية، استطاعت بجرأتها وطموحها أن تتجاوز كل الصعاب وتصبح أول مدربة فلسطينية لرياضة الزومبا، متميزة باحترافية عالية في تدريب هذا النوع من الرياضة. "سجود زومبا" تجسد حب الحياة – إنسانة مليئة بالطاقة والنور، بلا حدود لطموحها وجاذبيتها. فتاة عربية فخورة بقوتها الداخلية، تمتلك أداءً ساحرًا، وتؤمن تمامًا باختياراتها وقدراتها الهائلة. ثقتها العالية بنفسها هي التي أوصلتها إلى النجاح الذي تعيشه اليوم، وشعارها رغم كل الظروف الصعبة: "حب الحياة"
كانت الصدفة التي جمعتني برياضة السولا بدايةً لشغف بلا حدود. بدأت الفكرة بعد سنوات طويلة من الخبرة في مجال التدريب محليًا وعالميًا. منذ عام 2006، قررت تكريس طاقتي لتطوير دورة رياضية جديدة، تجمع بين الإيقاعات العربية الشرقية والغربية في مزيج موسيقي صاخب وجذاب يناسب المدربات، وأطلقت عليها اسم "سولا دانس - إيقاع الحياة."
في دورة السولا، ستحصل المدربة على جميع الأدوات اللازمة لتصبح مدربة مهنية محترفة، وسأعلم المشاركات كيفية الاندماج مع الموسيقى أثناء الحصة، إلى جانب العديد من المفاجآت والأسرار التدريبية المتقنة.
أخر الريلز الخاصة بسجود زومبا
كيف تصبحين من المدربات والقياديات الأكثر مهنية في عالم الفتنس والحركة؟
كيف يمكنكِ دمج حبكِ للرياضة كمصدر دخل إضافي؟
لا بد أنكِ تساءلتِ: "ماذا يجب أن أفعله لأبدأ؟
رياضة السولا هي رياضة راقصة مليئة بالحيوية، يحرك فيها الرياضي جميع أعضاء جسمه على أنغام موسيقى شرقية وغربية متنوعة، مما يبث فيه روح النشاط والتجدد. تعتبر السولا نوعًا من الرقص الحركي المميز، يمزج بين الرقص والإيروبكس، ويتميز بسهولة تطبيق حركاته.
ورغم أن مصطلح "السولا" لا يزال جديدًا نسبيًا في الأوساط العربية، إلا أنه يحظى بإقبال واسع كرياضة حديثة. جاءت تسمية "سولا" من الكلمة الإنجليزية "Soul"، التي تعني الروح، واخترت هذا الاسم لأنني، بفضل الله، أتمتع بطاقة عاليه وروح جميله , وهذا الاسم يعبر عني بشكل شخصي.
إذا كنتِ من عشاق التميز والتجدد، فإن رياضة السولا ستكون وجهتكِ المثالية. في قاعة التدريب، ومع مجموعة رائعة من النساء والفتيات، نعيش أجواءً مليئة بالحيوية على أنغام الموسيقى العربية الشرقية والغربية، ونتشارك الحركات الراقصة الصحية والمسلية
رياضة السولا ليست مجرد رياضة – إنها رحلة للتجدد وسط عوالم الموسيقى والرقص
. السولا تساعدكِ على التخلص من التوتر، وتعزز ثقتكِ بنفسكِ، لتمنحكِ شعورًا بالقوة والراحة النفسية.
بفضل متعتها، وحركاتها الخفيفة، وموسيقاها الفريدة، تناسب السولا جميع الأعمار – من سن 4 سنوات حتى 80 عامًا. ممارسة السولا بانتظام، من 2 إلى 3 مرات في الأسبوع، تمنحكِ جسمًا مشدودًا وعضلات متناسقة، مع إحساس جديد تمامًا.
تستمر جلسة السولا لمدة ساعة كاملة، تحرقين خلالها ما بين 500 إلى 800 سعرة حرارية، وذلك يعتمد على جهدكِ وتفاعل جسدكِ مع التمرين. وتكتسبين مهارات جديدة في التحكم بجسدكِ وسرعتكِ.
نبدأ دائمًا بحركات الإحماء، ثم ننغمس في أنغام الموسيقى العربية الشرقية، ونرقص مع إيقاعاتها حسب وتيرة سرعتها.
شهاده اسعاف اولي
دعم مهني على طول الطريق
محتوى ملهم لجميع أجزاء الدرس
موسيقى متنوعه مع إيقاع حماسي
ترتيب رحله سولا إلى خارج البلاد مع اسعار خاصه لمدربين السولا
سوف تقومون في تدريب لياقة بدنية فريد ومتنوع ومبتكر.
سوف تتعلمون كيفية الجمع بين العناصر اللاهوائية والهوائية والوظيفية في تمرين واحد.
ستكونون قادرون على كتابة التدريب والتخطيط له في وقت قصير جدًا.
سوف تقومون بتطوير القدرة على التنويع ببساطة وكفاءة.
.شهادات نعتز ونفتخر بها
سجود يا سجود وطبعا جمانه شكرا كثير لالكوا من صماصيم قلبي على الروح الحلوه الى عندكوا والصبر سجود انا انحني وارفع لك قبعتي على الطاقات الحلوه والمرحه والاتقان الى وصلتيلنا اياه بطريقه سلسله بين ضحكه ولعبه لحد اخر لحظه انبسطي برحلتك وترجعيلنا بالسلامه يا رب
سوار
سجود يا سجود انا كتبت قبل بمرة وراح اكتب كمان مرة ومليون مرة 🤩💪🔥انت كان لازم تكوني من زمان زمان موجودة حدودك السماء عطائك لا مثيل له رهيبة بكل اشي بشغلك وبعطائك وبروحك انت بتنحبي مش بس مهنية وكمان إنسانية 🤍بصوت عالي بقول الكل على جنب وانت بس بالساحة 💪👏 حلمتي وتعبتي وحققتي وراح تحققي الكتير 🙏 اسمك راح يكون عالمي بإذن رب العالمين 🤩 سجود الوحشة بإنتظار كورساتك حول العالم 🌍 بحبك كتييير 🤍
جمانة عرعرة
مدربتنا الغاليه سجود شكرا كثيررر عكل اشي قدمتيلنا اياه،كانو كل القاءات بجننوو وكلهن حماس كنت اتحمس كتير لكل لقاء…. وكنت اجي بطاقات سلبيه وتعب احيانا بس من ورا حصتك وروحك الحلو كنت اشحن طاقات حلوه واروح علبيت بنفسيه مرتاحه احلى اشي صار معي باني تعرفت عليكي وعم بشتغل معاكي وراح اضل مكمل معاكي اكتر حدا مرتاحه معو بشغل انتي ❤️ صراحه خساره للي بتعرفش عليكي وعلى روحك وطاقاتك الحلوه 🤩 سجود الي فش منها تنين مميزه بكل اشي بتعملووو بنجاح يارب بكل خطوه بتخطيها بحياتكك 🙏 بحبككك كثيررررر❤️❤️❤️
اسيل سالم
معلمتي ومثلي الأعلى اللي فش بعد حنيتها وطيبتها وقلبها الأبيض اللي أعطت من كل قلبها واعطت واعطت ❤️❤️ أنا فخورة فيكي اولاً انت معلمتي وفخورة بنفسي ثانيا اني تلميذتك وتعلمت منك كل كلمات الشكر والتقدير والامتنان ما بوفيكو بتعبك ومجهودك علينا وأنتي اعطيتينا طاقات وطاقات وطاقات بس إيجابية جد مشكورة من جواة القلب ❤️
عفراء
مدربتي سجودد فخوره اني اتعرفت عليكي و فخوره بحالي اني وصلت لهون والحمدالله بفضل ربنا و بفضلك وصلت لهاد النجاح وبحلم اصير اكبر من هيك وين ما اروح وين ما اجي دايما راح اذكرك بل خير بحبك كتير شكرا على كل اشي ضليتي معي من البداي للنهاي و ان شاء الله راح نضل على تواصل❤️❤️❤️❤️❤️❤️
مريم
قُـمْ للمعلّمِ وَفِّـهِ التبجيـلا كـادَ المعلّمُ أن يكونَ رسولا منك تعلمنا أن للنجاح قيمة ومعنى، ومنك تعلمنا كيف يكون التفاني والإخلاص في العمل، ومعك آمنا أن لا مستحيل في سبيل الإبداع والرقي، لذا فرض علينا تكريمك بأكاليل الزهور الجورية. 😍😍😍😍
رونق
إلى المدربة الرائعة سجود❤️❤️ بكل الحب والتقدير، نشكرك من أعماق قلوبنا على عطائك اللامحدود في دورة مدربات سولا. كنتِ نموذجًا للإلهام، تنشرين العلم بروحك الجميلة، وتمنحين كل متدربة الدعم والثقة لتتألق. جهدك وإخلاصك كانا نورًا أضاء طريقنا. دمتِ دائمًا شعلةً تضيء دروب النجاح، وبارك الله في علمك وعطائك. شكراً من القلب ❤️❤️❤️❤️❤️
رنين سعد
سجود يا سجود مع أنو ميتة تعب بس مش راح اعرف انام بدون ما اقلك شكرا انك موجودة بلحياة وشكرا على كل اشي قدمتيلي ياتو من حكي من معلومات من طاقات يعني فش شو احكي اكتر انت انسانة لو في بدنيا كمان وحدة زيك كان الدنيا بالف خير عنجد شكرا على كلشي وكتير انبسطت معك ومع الصبايا الي كلهن طاقة وكلهن نغاشة الله يسعدكو صبايا واخر اشي عنجد انا كتير مبسوطة انو اجت فرصة انو انتعرف على انسانة زيك بتعطي من قلب وبنجاح يا رب بكل خطوة يا رب 🤲❤️احبك وشكرا 🥰
سيرين عيلوط
فش كيف أوصفك سجود الغالية ع قلبي أنت أحلى وأغلى وأرق إنسانة عرفتها بحياتي. شكراً ع دعمك إلي. بحبك كتير
دلال محاميد
سجود أنا شخصيا كتير انبسطت من الكورس بصراحة فش عندي ولا اشي سلبي ☺️كلو ايجابي قد ميكون الواخد عندو خبرة بس بتعلم منك كتير بصراحة وبدون مجاملي برجع وبقول انا ☝️ اتعلمت عند غيرك وتعلمت عندك شفت الفرق بين السما والارض 🔥طريقة التعليم المعلومات الطاقات الصدق بالمعلومات الشغف ملان قد مبدي احكي بخلصش غير طبعا شخصيتك الطيبة المريحة والعفوية اللي خلتنا نكون مرتاحين معاكي رهيبة رهيبة عندك كتير اشياء تقدميها اديش بتحبي تدعمي الى الامام انا بنصح الكل يوخد الكورس حتى اللي معاهن شهادات كمان لانو احنا دايما منتعلم اشياء جديدة وانت عندك اشياء جديدة ونا شخصيا اقدرت اقدم عربي 😍وزبطت معي بفضلك 😘🔥 سجود التوب انت راح تكوني بمحل عالي جداً جداً 💪🔥سجود أنا شخصيا كتير انبسطت من الكورس بصراحة فش عندي ولا اشي سلبي ☺️كلو ايجابي قد ميكون الواخد عندو خبرة بس بتعلم منك كتير بصراحة وبدون مجاملي برجع وبقول انا ☝️ اتعلمت عند غيرك وتعلمت عندك شفت الفرق بين السما والارض 🔥طريقة التعليم المعلومات الطاقات الصدق بالمعلومات الشغف ملان قد مبدي احكي بخلصش غير طبعا شخصيتك الطيبة المريحة والعفوية اللي خلتنا نكون مرتاحين معاكي رهيبة رهيبة عندك كتير اشياء تقدميها اديش بتحبي تدعمي الى الامام انا بنصح الكل يوخد الكورس حتى اللي معاهن شهادات كمان لانو احنا...
جمانه ابو واصل
صباح الخير سجود المميزة الي ملانة طاقة واعطتنا من طاقتها ديما كل درس كان اكتر من انو يكون درس مع عادي ويمرق كل درس كان يكون فيو اشي يلمسنا ويعطينا طاقة وشغف اكتر يعني انا كان بنسبة الي الدرس الي باجي هو عشان أتعلم منك شو حب الحياة وانتعلم سولا طبعا انا بديش احكي كتير بس انت انساانة جدا داعمة رغم انو شفتيني فلست بنص الكرس ومش عم بقدم الاغاني مزبوط بس متنازلتيش وضليتك تدعمي في وتشجعيني عشان اطلع مدربة سولا وبكل فخر اقول ادربت عند سجود سولا يتمنالك التوفيق بكل خطوة ومن نجاح لنجاح ولا اشي يوقفك زي ما قلتيلنا ديما كل الحب والاحترام الك على كل اشي ❤️احلى واجدع مدربت سولا فيكي يا بلد 👏وصبايا طبعا بتوفيق لكل وحدة فيكو 🤍
سيرين واني
سجود كورس السولا كان بالنسبه الي من اكثر الكورسات الي اخذتها فيها ابداع وتحفيز وجمال واكشن لانه بتمتع بالايقاع الشرقي الي كل الصبايا بعشقنه .. ولما يكون عند المدربه الي بتقدمه شغف اكيييد رح تبدع فيه بدون شك .. وانا شخصيا كسبت من خبرتك ومن حركاتك وكسبت التشجيع وعنجد كنت بعد كل لقاء ارجع عالبيت ملانه طاقه وتخطيطات للمستقبل .. اتمنيت لو مخلصتش الدوره لانه عنجد كثيييير انبسطت فيها رغم بعد المشوار الا انه عنجد كنت اجي بكل حب وارجع بكل طاقات .. ومن هون رح ننطلق مع سجود زومبا بكورس السولا مع اروع مدربات سولا .. بالتوفيق للجميع ❤️
غدير شلبايه
سجووود الغالية والداعمة😍، من لما روحت وانا احضر الفيديوهات كيف كان ادائي . قديش فخورة بحالي كيف بلشت ولوين وصلت ، هاد ان دل على اشي بقول انه وصلت للمحل الصح عند الشخص الصح🥹🫶🏻 كصبية الي اجت مش من عالم التدريب انا شفت ولمست عطاءك الغير محدود بالكورس كان ش
اروى عنبتاوي
غاليتي سجود(يا قصبة) أود أن أعبر لك عن خالص امتناني وتقديري لجهودك الرائعة التي بذلتها في تدريبنا. لقد كنتِ دائمًا مصدر إلهام لنا، من خلال مهارتك العالية، وصبرك الكبير، وتفانيك في تطوير قدراتنا. شكراً جزيلاً لكِ على كل ما تبذلينه، وأتمنى لكِ المزيد
رونيت صفدي
سجود الدورة كانت تجنننن وعندك عطاء وطاقات محدا زيها ومحبه لنجاح ولتميز دورتك كانت جدا مميزه من كل النواحي اهتمام عطاء شرح عن النفس وتفضفض ومحبة كنت تسمعي لكل وحده بلا ما تحكي وتعرفي الاشي الناقصها مميزه بكل حالاتك ومحدا بغدر يوصلك وان شالله من نجاحات لنجاحات اكتر واكتر لانك ابتستاهلي ♥️♥️♥️
ماريا داهود
سجود يا سجود قد ما بدي احكي رح يضل قليل ❤️ مبدئيا بدي اعبر عن خالص شكري وامتناني لالك على كل الجهد اللي قدمتي وبذلتي خلال الكورس، مكنش الاشي مجرد دوره لتعليم حركات ورقص لا كانت تجربه غنيه وملانه بالالهام والطاقه الايجابيه ❤️🌸 بفضل طريقتك المميزه وصبرك ودعمك المستمر حسيت اني بغدر اعبر عن نفسي بحريه واستمتع بكل لحظه ❤️ واحب الحياه❤️ سجود كنت مصدر للطاقه والحماس وعملتي من الدوره مساحه مفعمه بالابداع والمرح والفرح❤️ بالاضافه للفقرات يلي كنا نعملها كل درس وكل مره تحضريلنا مفاجاه ❤️رح اشتاق لهاي اللحظات كتير ❤️ كنت النا اكثر من مدربه ,حرصك على انو نحس بالراحه والثقه خلى هاي التجربه تكون استثنائيه ❤️ تعبتي معنا وعملتي كتير عشان نطلع من عندك مدربات كيف لازم ❤️ وهاي لازم اشدد عليها كتير انو انت ما عملتي دوره عشان تكون دوره عابره لا اصريتي على انو يكون كل اشي بيرفكت ونطلع جاهزات 🔥 اعطيتي ملاحظات وضحيتي بوقتك كتير عشانا وهاد اشي مش مفهوم ضمنا ❤️ كل كلمات الشكر قليله بحقك ❤️ بغدرش انسى انو التعرف على الصبايا الرائعات كان من افضل الامور ووجودك كان العامل الاساسي اللي جمعنا بهاي الاجواء الرائعه ❤️ شكرا لالك من كل قلبي ❤️ بحبكو كتير ❤️
مي سليمان
